Af hverju ekki að.......

Notast við 20gr. lögreglulaga nr 90 frá 13 Júní frá 1996.

20. gr. Skylda til að aðstoða lögreglu.
1. Ef nauðsyn ber til getur lögregla kvatt sér til aðstoðar hvern fulltíða mann, þar á meðal til að afstýra óreglu eða óspektum á almannafæri. Maður er skyldur til að hlýða kvaðningu lögreglu ef hann getur veitt aðstoð án þess að stofna lífi, heilbrigði, velferð eða verulegum hagsmunum sjálfs sín eða nánustu vandamanna í hættu.
2. Þeir sem kvaddir eru lögreglunni til aðstoðar skv. 1. mgr. fara með lögregluvald meðan þeir gegna starfinu og njóta sömu verndar og aðrir lögreglumenn.

Þá er hægt að sjá að ekki þarf annað fyrir lögreglu en þessar tvær greinar.

Svo er bara að muna eftir því að sá sem kvaddur til aðstoðar við lögreglu á rétt á launum samkvæmt gildandi kjarasamningum lögreglumanna.

Hvers vegna þarf lög um varalið?

Sé ekki betur en þessar tvær greinar í lögreglulögunum séu nægilegar til að kveða aukamanskap sem aðstoðar lögreglu við svona aðstæður.

Heimild til að kalla út varalið hefði komið sér vel

Athugasemdir

[Haraldur Davíðsson, 1.6.2008 kl. 22:55]

BB er veikur maður, haldinn fasisma á háu stigi.

[Ólafur Björn Ólafsson, 1.6.2008 kl. 22:59]

Ekki vil ég taka svona til orða um hann, en með varúð tek ég ýmislegt sem kemur frá honum.

Minni svo á að best er að virða menn fyrir verkin en ekki óvirða þar sem maður gerir lítið úr sjálfum sér fyrir vikið...

[Jóhann Pétur Pétursson, 1.6.2008 kl. 23:35]

Ég held að það sé frekar vafasamt að kalla til stór hópa fólks út til almennra lögreglstarfa á þessar greinar lögreglulaga. Ég held að þessar tvær greinar eigi frekar við til þess að hafa stjórn og afstýra staðbundnum óeirðum og óspektum þ.e. kalla nálægt fólk sér til aðstoðar tímabundið til þess að ná tökum á ástandinu. Svo er ekkert sagt um kaup og kjör í þessum ákvæðum einfaldlega að lögreglan geti kvatt fólk sér til aðstoðar ef þurfa þykir og njóti verndar sem lögreglumenn tímabundið, ekki að fólkið fái eitthvað borgað fyrir það.

Ég held að varalið lögreglu sé góð hugmynd undir einmitt þeim aðstæðum sem sköpuðust á fimmtudaginn. Auðvitað ímyndar fólk sér´þungvopnaða sveit fólks sem að ætlar að skjóta á allt og alla. En lögreglustörf fela í sér margt annað heldur en að þurfa að beita ofbeldi. Lögreglustörf fela meðal annars í sér eftirlit með eignum borgaranna, aðkomu að slysum, umferðastjórnun og margt annað. Ef að lögreglan t.d. á höfuðborgarsvæðinu þarf að senda mannskap frá sér þá ætti lögreglan að hafa úrræði þannig að þjónusta lögreglu við borgarana skerðist ekki vegna óvæntra kringumstæðna annars staðar. Til þess væri varalið lögreglu.

Svo að ég svari Haraldi þá lýsa hans ummæli honum meira en nokkru öðru.

[Guðmundur Ásgeirsson, 2.6.2008 kl. 14:49]

Allan tímann sem hjálparstarf stóð yfir var til staðar öflugt borgaralegt varalið skipað sjálfboðaliðum. Með því á ég við alla þá íbúa hér á Suðvesturhorninu sem héldu sig á mottunni á meðan stór hluti lögregluliðsins var upptekinn fyrir austan fjall. Ég veit ekki til þess að það hafi þurft að kalla neinn út sérstaklega til þess að allt færi friðsamlega fram rétt eins og á venjulegum degi, enda var okkur Reykvíkingum líka brugðið við hristinginn og hugur flestra hjá íbúum Suðurlandsundirlendisins. Við Íslendingar erum nefninlega aldrei samhentari heldur en einmitt þegar náttúruöflin sýna okkur mátt sinn og megin, af því megum við sko vera stolt. Sjálfur fór ég t.d. út úr bænum og hélt norðaustur á bóginn þar sem löggurnar voru síst uppteknar vegna jarðskjálfta enda var víða sýnilegt umferðareftirlit á vegunum. Eins og fram kom annarsstaðar á blogginu þá væri miklu meira vit í að styrkja og efla hjálparsveitirnar sjálfar, frekar en að fjölga þessum blessuðu laganna "vörðum" sem ráðast svo kannski bara á unglinga í kjörbúðum, spreyja piparúða framan í saklaust fólk á bensínstöðvum, fara með samsæri og tilhæfulausum ásökunum gegn fólki sem þorir að segja upphátt skoðun sína á umhverfismálum, hnýsast ítrekað með ólöglegum hætti í stjórnarskrárvarið einkalíf fólks, og almennt hafa grundvallarréttindi samborgaranna að engu. Af slíkum óþverravinnubrögðum íslenskrar lögreglu hef ég ítrekaða persónulega reynslu af misslæmu tagi auk þess sem öll tilvikin sem ég nefndi hér á undan eru staðfest og skjöluð!. Þar sem ekki hefur verið sýnt fram á annað verður maður að taka þessi ummæli Björns eins og hvern annan fasista-áróður sem hann lætur frá sér fara, og í þetta sinn af fullkomnu virðingarleysi fyrir því áfalli sem dundi á Sunnlendingum. Megi það verða honum til ævarandi minnkunar að hafa ætlað að nota þessar hamfarir sem enn eitt tilefnið til slíkrar áróðursstarfsemi fyrir öfgasinnaðri hugmyndafræði sinni. Fyrst honum þykir hugmyndir um lögregluríki svona heillandi ætti hann bara að flytja vestur um haf í það "sæluríki" öfganna og láta okkur friðelskandi Íslendinga í friði, um aldur og ævi!!! A.m.k. ráðlegg ég honum að vera ekkert að heimsækja Selfyssinga á næstunni... ég held þeir vilji miklu frekar fá aðstoð við að laga húsin sín en fá yfir sig meiri löggufasisma en nú þegar viðgengst hér á landi.

[Ólafur Björn Ólafsson, 2.6.2008 kl. 19:20]

Jóhann Pétur til að svara þér þá get ég bent á að þegar maður er kvaddur til aðstoðar þá er maður að starfa á vegum lögreglu og skal það greitt samkvæmt kjarasamningum.

Það hefur allavega verið reindin í gegnum tíðina og veit ég nokkur dæmi um að slíkt hafi verið gert hér á landi.

Svo þar fyrir utan þá er spurning með alla þá sem í varalið færu ef slíkt lið verður stofnað, hvaðan kemur manskapurinn?

Slökkviliðsmenn? Björgunarsveitamenn? Sjúkraflutningamenn? Rauðakrossfólk?

Að megninu til það fólk sem fer til sjálfboðaliðastarfa þegar hamfarir eins og Suðurlandsskjálftinn, ríður yfir og aðstoðar þar. Ekki er þetta fólk til staðar í Reykjavík eða hvað?

Það er örugglega langfarsælast fyrir dómsmálaráðherra að hlaða betur undir lögreglu landsins fjárhagslega heldur en að tönnlast alltaf á einhverju varaliðsbulli sem er eitthvað sem kemur frá kaldastríðsárunum.

Við höfum Allmannavarnarskipulag og inní því eru allir neyðar og viðbragðsaðilar, þar er liðið sem er til aðstoðar í allmannavá. Þarf eitthvað meira?

[Hafdís Lilja Pétursdóttir, 4.6.2008 kl. 08:08]

Ég halla mér að því sem mér þykir rétt enda er ég réttlát mér.  Ísbjörninn hefði átt að fá að lifa. Með eða án varaliðs.

“Öllu sem við eigum skilið verðum við að taka með stillingu en sé þjáningin óverðskulduð er hryggðin óþolandi“

Njótum dagsins og lífsins.

[Hafdís Lilja Pétursdóttir, 8.6.2008 kl. 11:00]

Hafðu það gott í dag.

[Hafdís Lilja Pétursdóttir, 13.6.2008 kl. 07:39]

 

Innlit dagsins

 Njóttu dagsins.