Ekki trúi ég því...

Að það sé ekki hægt að verja landamærin eins og þau voru 1967...

Fyrst hægt var að ráðast á annað ríki frá landamærunum eins og þau voru 1967 þá ætti að vera auðveldara að verja slík landamæri í dag...

Ef það á einhverntímann að ná fram friði á þessu svæði þá er það með svona sáttum en ekki bolabrögðum eins og Ísraelsmenn hafa beitt síðan 1967...

Nú fæ ég líklega skammir frá ákveðnum aðilum og sagnfræðingum en þeir eru hlutlægir flestir og skoðast orð þeirra sem slík...

Og kveð ég með þeim orðum að megi ESB hrynja til grunna...

Kaldi

Landamæri Palestínu miðuð við 1967

Athugasemdir

[Arngrímur Stefánsson, 19.5.2011 kl. 22:10]

Held að ástæðan fyrir því að erfitt verði að verja 67 landamærin er hve pínulítið Ísrael yrði, ef einn skriðdreki kæmist í gegnum varnirnar Egyptalandsmegin væri hann kominn til Sýrlendinga á nokkrum klukkutímum. 

[Ólafur Björn Ólafsson, 19.5.2011 kl. 22:25]

Einhvenveginn á ég bágt með að trúa því að jafnöflugt herveldi og Ísrael er geti ekki varist smá innrás á 67´landamærunum. Einn tæknilegasti her á þessum slóðum.

Ef þeir töpuðu smáskærum þarna þá hafa þeir ekki lesið herfræðin rétt...

Kaldi

[Arngrímur Stefánsson, 19.5.2011 kl. 23:10]

Þú ættir kanski að lesa herfræðin sjálfur, tökum bara dæmi ef loftárás yrði gerð á Ísrael án þess að þeir myndu vita af henni fyrirfram.  Þegar Ísrael yrði minna, fengu þeir auðvitað mun minni aðvörun um að lofthelgi þeirra væri brotin.  Ef flugvélarnar yrðu sprengdar í skýlum sínum á jörðu niðri, eru sterkar líkur á því að sameiginlegur her Sýrlendinga og Egypta, með fjárstuðningi Írana og kanski Sáda gæti sigrað mun fámennari en þó vel vopnaðri her Ísraela, vegna þess að eins og flestir vita þá skipta flugvélar höfuðmáli í nútíma stríðum. 

Sterkar líkur á því að Ísrael myndi sigra stríðið en auðvitað ekki öruggt yrði komið þeim að óvörum.  Stórefa einhvernvegin að þeir ætli bara að taka sjensinn á því.

Auk þess held ég að aðaltilgangurinn sé að hafa stærstu þéttbýliskjarnanna fjarri landamærunum, væri ekkert gaman fyrir Ísraela ef Sýrlendingar kæmust til Tel Aviv meðan Ísraelar væru uppteknir af stríði við Egypta eða einhvað álíka, svo ekki sé talað um Gólan hæðirnar þar sem fallbyssur skutu á Ísrael þangað til þeir hertóku hæðirnar einmitt í 67 stríðinu. 

[Ólafur Björn Ólafsson, 19.5.2011 kl. 23:26]

Það er ekki mikið vandaverk að lesa herfræðin rétt.

Það er hinsvegar mikið vandaverk að ætla sér að komast í gegnum varnir eins öflugasta hers og leyniþjónustu sem er á þessu svæði sem um ræðir.

Það er kanski eitthvað sem þú þarft að kynna þér varðandi Ísrael og hernaðarbröltið þeirra.

Hvernig byrjaði annars 6 daga stríðið??? Manstu það???

[Arngrímur Stefánsson, 19.5.2011 kl. 23:49]

6 daga stríðið byrjaði með árás Ísraela á Egifska flugherinn áður en Egyptar voru tilbúnir. 

Yom Kippur stríðið byrjaði hins vegar ekki af hálfu Ísraela og gekk mun verr og þótti ekki ómögulegt á tímapunkti að Ísrael myndi tapa.  Ísrael vissi þó af innrásinni með 6 klukkutíma fyrirvara en Golda Meir fékk ekki leyfi frá Bandaríkjamönnum til að gera árásina á undan, því ekki var mögulegt að tryggja stuðning Bandarísk almennings.

Sama gildir í dag, ef Ísrael myndi gera árásina fyrst yrðu eflaust margir ferlega fúlir.  Þú ert að fara frammá að Ísrael eigi að eyða meiri pening en jafnvel nú þegar í her, og þeir eru ekki að eyða litlu nú þegar.  Það eru stór orð komin frá Íslendingi sem tilheyrir auðvitað herlausri þjóð.  Ísraelsmenn vilja ekkert endilega vera að dæla endalausum pengingum í herinn sinn. 

Auðvitað verður líka að hafa í huga að Ísrael er komið til að vera, þótt Ísrael virðist ósigrandi í dag, þá gætu aðstæður verið allt aðrar eftir 10 ár, eða 30 ár, eða 50 ár eða 100 ár.  Ef þér er svona hrikalega annt um gamla landafræði skaltu byrja á því að fá Rússland til að skila Vipurii aftur til Finlands enda er alger óþarfi að eiga það svæði enn þar sem ekki þarf að fara að verja St. Pétursborg gegn neinum þýskum innrásum á næstunni. 

Sé reiknað með að vesturbakkinn eins og hann leggur sig færi til Palestínu verður Ísrael skipt í tvennt með sirka 30-40 km breiðri brú á milli norðurhlutans og suðursins.  Auðvitað fengu Ísraelskir herir í stríði ekki að fara í gegnum Palestínu, og þessi litla brú þarna væri sannkölluð dauðagildra fyrir herflutninga sem væru fluttir til eða frá Egypsku eða sýrlensku landamærunum. 

Menn vilja einfaldlega hafa vaðið fyrir neðan sig í þessum málum, og hafa verður í huga þegar kemur að hernaðarbrölti Ísraels að Ísrael má ekki tapa.  Ef Egyptaland tapar stríði við Ísrael verður Egyptaland fyrir tjóni, ef Ísrael tapar stríði verður því útrýmt. 

Eins og þú segir er Ísraelski herinn sterkur og leyniþjónustan sú besta á svæðinu, en það er þó enginn ástæða til að vanmeta andstæðingana fyrir þá og það vita þeir.  Það er ein af grundvallarreglunum í stríði. 

[Ólafur Björn Ólafsson, 20.5.2011 kl. 00:09]

Þekkja skaltu óvininn...

Það er kanski ágætt að ég gerðist ekki svo grófur að ætlast til þess að Ísraelar skiluðu öllu því landi sem þeir hafa tekið frá því Ísraelsríki var stofnað. Það myndi þíða að landamærin væru enn minni en þau voru 1967.

Ef Golda Meir hefði slept því að "bíða" eftir svari frá Bandaríkjamönnum þá hefði ekki verið neitt vandamál fyrir Ísrael að svara strax í upphafi Yum Kippur.

Það er ekki hægt að bera saman landamæri Finnlands og Rússa þar sem Ísrael er stofnað 1948 (14 Maí 1948), er eitthvað ríki yngra???

[Arngrímur Stefánsson, 20.5.2011 kl. 00:23]

Ágætlega sambærilegt þó, því Rússland tók Vipurii 1940 og Petsamo 1944 sem er ekki langt frá. 

Það er ágætisslatti af yngri ríkjum.  Öll Júgóslavíuríkin, fyrrverandi sovétlýðveldin, Kósovó og nýjustu ríkin(sem eru ekki viðurkennd af mörgum) eru Akbasía og Suður-Ossetía. 

[Ólafur Björn Ólafsson, 20.5.2011 kl. 00:33]

Það er líka spurning hvernig maður nálgast málið, út frá hvaða forsendum.

Nú höfum við eitt ríki annarsvegar sem réðist á þrjú önnur í sex daga stríðinu, og hafði betur...

Svo hinsvegar eru tvö lönd sem voru aðilar að seinni heimstyrjöldinni en erjur þar á milli voru reyndar settar niður á þann hátt að Finnar vildu ekki landið til baka ef ég man rétt. Það er víst erfitt að halda svæðinu uppi og það er bara fjárhagslegur baggi þannig að það kostar í raunini Rússana meira að hafa landsvæðið heldur en ef Finnarnir vildu bara taka við því... Bizness...

Júgóslavíuríkinn hafa alltaf verið sundruð, jafnvel þó þau hafi einhverntíman verið sameinuð undir nafninu Júgóslavía. Það hafa alltaf verið aðskilnaðarsinnar þar og áður fyr í fyrndinni þá hét þetta svæði ekki einusinni Júgóslavía...

Það er svo af pólitískum ástæðum sem Abkasía og Suður Ossetia eru ekki viðurkend sem sjálfstæð ríki. Það er af allveg jafn pólitískum ástæðum og Golda Meir þorði ekki að svara fyrir sig í Yum Kippur fyr en Bandaríkjamaðurinn gaf jákvætt svar...